Chirchiqdagi harbiy qismlarda bir guruh yoshlar uchun ekskursiya tashkil etildi
2024-08-09 11:35:00 / Yangiliklar
Yoshlar jamoasiga hamrohlik qilgan prokuratura va harbiy qism ofitserlari bugungi dunyo va yurtimiz hayotida yuz berayotgan islohotlar, harbiy-siyosiy jarayonlar haqida maʼlumot berar ekan, yoshlarni qiziqtirgan koʻplab savollarga batafsil javob qaytarildi.
Masalan, “D 6” parashyutini tuzilishi, undan foydalanish texnikasi koʻplab yoshlarda qiziqish uygʻotgan boʻlsa, bilim yurti hududidagi harbiy texnikalar va qurol-yarogʻ koʻrgazmalari barchada yorqin tasavvur uygʻota oldi.
Chirchiq aerodromiga uyushtirilgan ekskursiya natijasida esa mehmonlar turli rusumdagi vertolyotlar, ularning asosiy vazifalari, jang holatidagi oʻrni haqidagi muhim bilimlarga ega boʻlishdi .
Shuningdek, yoshlar bilim yurti hududida tashkil etilgan jadidlarimiz faoliyatini yorituvchi xonaga ham tashrif buyurib, mutaxassislar tomonidan berilgan tarixiy faktlardan xabardor boʻlishdi.
Mudofaa vazirligi Axborot va ommaviy kommunikatsiyalar departamenti