O‘zbekiston Respublikasi Mudofaa vazirligi

Toshkent viloyatining Bo‘stonliq tumanida joylashgan harbiy qismning o‘quv-moddiy bazasida tashkil etilgan mazkur yig‘in tarbiyaviy va mafkuraviy yo‘nalishdagi faoliyat samaradorligini yanada oshirish, ofitserlarning kasbiy bilim va amaliy ko‘nikmalarini mustahkamlash, shuningdek, ilg‘or tajribalarni ommalashtirish maqsadida o‘tkazilmoqda.

Yig‘in davomida tarbiyaviy va mafkuraviy ishlarni zamon talablari asosida tashkil etish, shaxsiy tarkib bilan ishlashda samarali usul va yondashuvlarni qo‘llash, harbiy jamoalarda sog‘lom ma’naviy-ruhiy muhitni mustahkamlash, yosh harbiy xizmatchilar qalbida Vatanga sadoqat, yuksak mas’uliyat va fidoyilik tuyg‘ularini yanada kuchaytirishga qaratilgan qator o‘quv mashg‘ulotlari olib boriladi.

Mazkur o‘quv-uslubiy yig‘in doirasida “Eng ilg‘or tarbiyaviy va mafkuraviy ishlar organi ofitseri” tanlovining qo‘mondonlik bosqichini o‘tkazish ham rejalashtirilgan.

Tanlov jarayonida ishtirokchilarning harbiy nizomlar, ma’naviy-ma’rifiy va mafkuraviy ishlar tizimi bo‘yicha bilimlari, shuningdek, shaxsiy tarkib bilan ishlash, jamoada sog‘lom muhit yaratish, vatanparvarlik ruhini mustahkamlashga doir malaka va ko‘nikmalari sinovdan o‘tkaziladi.