“Shijoat va g‘ayrat” harbiy-sport musobaqasini final bosqichi qizg‘in pallada
2026-06-19 13:30:00 / Yangiliklar
Uch kun davomida o‘tkazilayotgan mazkur nufuzli musobaqada shahar va tuman, undan so‘ng viloyat bosqichida bellashgan 18-22 yosh oralig‘idagi mahalla yoshlari final bosqichida jami 14 ta jamoa bo‘lib bellashishdi.
Yakuniy bosqich bellashuvlari harbiylashtirilgan shart asosida o‘tkazilib, har bir shart qatnashchilarning intizomi, jamoaviy ishlash ko‘nikmalari va murakkab vaziyatda qaror qabul qilish qobiliyatini sinovdan o‘tkazildi.
Xususan, musobaqa ishtirokchilari “Turnikda tortilish”, “O‘quv granatasini uzoqlikka uloqtirish”, “Uzoq masofaga yugurish bo‘yicha nominatsiya”, “Qisqa masofaga yugurish bo‘yicha nominatsiya”, “AK-74 avtomatini to‘liq va noto‘liq qismlarga ajratish” hamda “Pnevmatik quroldan o‘q uzish” kabi shartlar bo‘yicha kuch sinashdi.
Musobaqa doirasida ishtirokchilarning Quruqlikdagi qo‘shinlar instituti bo‘ylab sayohati tashkil etilib, unda ertamiz egalari oliy harbiy ta’lim muassasasida yaratilgan sharoitlar hamda imkoniyatlar haqida batafsil ma’lumotlarga ega bo‘lishdi.
Eslatib o‘tamiz, bugun ushbu musobaqaning tantanali yopilish marosimi bo‘lib o‘tadi va g‘olib va sovrindorlar tashkilotchilar tomonidan munosib rag‘batlantiriladi.
Mudofaa vazirligi Axborot va ommaviy kommunikatsiyalar departamenti