O‘zbekiston Respublikasi Mudofaa vazirligi

Mazkur tadbirda Toshkent harbiy okrugi qo‘mondonligi, shahar va tuman hokimligi, davlat va jomoat vakillari, faxriylar hamda yoshlar ishtirok etdi.
Yangi bino harbiy-ma’muriy faoliyatni samarali tashkil etish, fuqarolarga ko‘rsatiladigan xizmatlar sifatini oshirish hamda yoshlarni harbiy-vatanparvarlik ruhida tarbiyalashga xizmat qiladigan muhim maskan hisoblanadi. Inshoot zamonaviy me’moriy yechimlar asosida barpo etilib, o‘quv-mashg‘ulot xonalari, navbatchilik bo‘limlari, chaqiruv punkti, xizmat xonalari va boshqa zarur ma’muriy hududlar bilan jihozlangan.
Tantanali marosimda so‘zga chiqqan Toshkent harbiy okrugi qo‘shinlari qo‘mondoni, nuroniylar va boshqa mutasaddilar mamlakatimizda mudofaa tizimini izchil rivojlantirish, Qurolli Kuchlar salohiyatini mustahkamlash hamda yosh avlodni Vatanga sadoqat ruhida tarbiyalash borasida amalga oshirilayotgan keng ko‘lamli islohotlar haqida to‘xtalib o‘tdi.
Ta’kidlanganidek, mazkur ma’muriy inshoot yurt tinchligi va xavfsizligini ta’minlashdek sharafli vazifani ado etuvchi harbiy xizmatchilarni tayyorlash, yoshlarni harbiy xizmatga puxta tayyorlash hamda ularning vatanparvarlik tuyg‘ularini mustahkamlashga xizmat qiladi.
Yangi binoning yana bir muhim jihati unda zamonaviy axborot-kommunikatsiya texnologiyalari asosida raqamlashtirilgan elektron ma’lumotlar bazasi joriy etilganidadir. Ushbu tizim chaqiriluvchilar hamda harbiy hisobda turuvchi fuqarolar haqidagi ma’lumotlarni tezkor va aniq yuritish, hujjatlar aylanishini soddalashtirish, xizmat faoliyati samaradorligini oshirish hamda inson omili bilan bog‘liq ayrim jarayonlarni optimallashtirish imkonini beradi.
Toshkent harbiy okrugi matbuot xizmati