O‘zbekiston Respublikasi Mudofaa vazirligi

Mazkur yig‘ilishda Toshkent harbiy okrugiga qarashli harbiy qismlar hamda Mudofaa ishlari boshqarma va bo‘limlari, shuningdek barcha toifadagi kontrakt bo‘yicha harbiy xizmatchilar ishtirok etdi.

Yig‘ilish davomida harbiy intizomni mustahkamlash, qonunbuzarliklarning oldini olish, ularning kelib chiqish sabablari va shart-sharoitlarini chuqur tahlil qilish masalalariga alohida e’tibor qaratildi. Har bir aniqlangan holat kesimida mas’ul shaxslarning faoliyati tanqidiy baholanib, mavjud kamchiliklarni bartaraf etish bo‘yicha aniq topshiriqlar belgilab berildi.

Shu bilan birga, kelgusida huquqbuzarliklarning oldini olishga qaratilgan profilaktik ishlarni yanada kuchaytirish, shaxsiy tarkib bilan individual ishlash tizimini takomillashtirish hamda harbiy xizmatchilarning ma’naviy-ruhiy holatini mustahkamlash yuzasidan ustuvor vazifalar belgilandi.

Yig‘ilish yakunida barcha mas’ul shaxslarga aniq vazifalar yuklatilib, ijro intizomini ta’minlash bo‘yicha tegishli ko‘rsatmalar berildi.

Toshkent harbiy okrugi matbuot xizmati