"Yangi O‘zbekiston" bog‘ida “Vatanga qasamyod” marosimi yuqori saviyada tashkil qilindi
2026-04-26 11:40:00 / Yangiliklar
Og‘lonlar buyuk ajdodlarning pok ruhlari oldida, Vatani oldidagi burchini halol bajarishga bel bogʻlab, vijdoni, or-nomus va shaʼnini oʻrtaga qoʻyib, Oʻzbekiston Respublikasiga, xalqiga va Prezidentiga bir umr sodiq boʻlishga, har qanday mashaqqatli sinov va qiyinchiliklarda ham el-yurtining yuksak ishonchini oqlashga yaqinlari va keng jamoatchilik guvohligida tantanali ravishda ont ichdi.
Tadbirda Mudofaa vazirligi huzuridagi Jamoatchilik kengashi aʼzolari, Toshkent harbiy okrugi va Havo hujumidan mudofaa qo‘shinlari va Harbiy havo kuchlari qo‘monligi, Toshkent harbiy prokuraturasi, davlat va jamoat tashkilotlari vakillari ishtirok etib, vatan xizmatiga bel bogʻlagan oʻgʻlonlarga oʻzlarining samimiy tilaklarini bildirishdi.
Mudofaa vazirligi Axborot va ommaviy kommunikatsiyalar departamenti