“Vatanparvarlar” xalqaro harbiy-sport musobaqasining shiddatli bahslari boshlandi
2026-04-21 13:50:00 / Yangiliklar
Mazkur xalqaro musobaqa doirasida ishtirokchilar dastlab turnikda tortilish, AK-74 avtomatini qismlarga ajratish va yigʻish, yagona toʻsiqlar yoʻlagida bajariladigan umumiy nazorat mashqi (OKU), jabrlanuvchiga birinchi tibbiy yordam koʻrsatish kabi shartlarni bajarishdi.
Navbatdagi bahslarda jamoalar arqon tortish, merganlar bellashuvi, harbiylashtirilgan estafeta “Mardlar estafetasi” hamda “Smart sardori” ixtirochilik tanlovi kabi qator shartlar boʻyicha oʻz mahoratlarini sinovdan oʻtkazadilar.
Shuningdek, “Vatan madhi” badiiy havaskorlik tanlovi ham musobaqaning muhim yoʻnalishlaridan biri hisoblanib, unda ishtirokchilar musobaqa birinchiligi uchun bahs olib boradi.
Mazkur tadbir yoshlar oʻrtasida vatanparvarlik tuygʻusini mustahkamlash, harbiy-sport mahoratini oshirish hamda xalqaro doʻstlik aloqalarini yanada rivojlantirishga xizmat qilmoqda.
Mudofaa vazirligi Axborot va ommaviy kommunikatsiyalar departamenti