“Yashil makon” umummilliy loyihasi doirasida navbatdagi ekologik tadbir tashkil etildi
2026-04-15 15:50:00 / Yangiliklar
Mazkur tashabbus doirasida Toshkent shahri va Toshkent viloyatida joylashgan Mudofaa vazirligi Toifalangan obyektlarni qo‘riqlash qo‘shinlari qo‘mondonligiga qarashli harbiy qismlar xizmatchilari tomonidan Toshkent viloyati Bo‘stonliq tumanida navbatdagi ko‘chat ekish tadbiri tashkil etildi.
Tadbir “Yashil makon barpo etishda o‘z hissamni qo‘shaman” shiori ostida o‘tkazilib, unda harbiy xizmatchilar faol ishtirok etdi. Ekologik aksiya davomida ko‘chat ekish jarayonlari zamonaviy agrotexnik talablar asosida olib borildi. Xususan, tuproqni sifatli tayyorlash, sug‘orish tizimlarini puxta yo‘lga qo‘yish, nihollarni to‘g‘ri joylashtirish hamda ularni muntazam parvarishlash kabi muhim bosqichlarga alohida e’tibor qaratildi.
Shuningdek, joylarda hashar yo‘li bilan obodonlashtirish ishlari ham keng ko‘lamda amalga oshirilmoqda. Bu jarayonda harbiy xizmatchilar nafaqat jismoniy mehnat bilan, balki ekologik madaniyatni targ‘ib qilish orqali ham faol ishtirok etmoqda.
Toifalangan obyektlarni qo‘riqlash qo‘shinlari qo‘mondonligi