Yurt o‘g‘lonlari yigitlik burchini ado etish uchun muddatli harbiy xizmatga yo‘l oldi
2026-04-08 19:00:00 / Yangiliklar
Mazkur tadbirda viloyat hokimligi mas’ullari, harbiy okrug qo‘mondonliklari vakillari, keng jamoatchilik, nuroniylar hamda chaqiriluvchilarning ota-onalari ishtirok etdi.
Tadbir davomida so‘zga chiqqanlar muddatli harbiy xizmat har bir yigit uchun mardlik, matonat, intizom va fidoyilik maktabi ekanini alohida ta’kidladi. Shuningdek, bugungi kunda mamlakatimizda Qurolli Kuchlar salohiyatini yanada oshirish, yoshlarni harbiy-vatanparvarlik ruhida tarbiyalash, ularni jismonan va ma’nan yetuk insonlar etib voyaga yetkazish borasida keng ko‘lamli islohotlar amalga oshirilayotgani qayd etildi.
Tantanali marosimda so‘z olgan yoshlar ham o‘z navbatida ularga ko‘rsatilayotgan yuksak e’tibor va ishonch uchun minnatdorlik bildirib, xizmat davomida Vatanga, xalqiga va Harbiy qasamyodga sadoqat bilan xizmat qilishga, o‘zlariga yuklatilgan vazifalarni sharaf bilan ado etishga va’da berdi.
Xizmat joylariga yetib borgan yigitlar temir yo‘l vokzallari, harbiy qism va muassasalarda tantanali kutib olindi. Unda yosh askarlarga har bir buyruqni aniq va o‘z vaqtida bajarishga, harbiy nizom talablariga qat’iy rioya etishga, jangovar va ma’naviy-ruhiy tayyorgarlikni izchil oshirib borishga chaqirishdi va muddatli harbiy xizmat davomida erishishi mumkin bo‘lgan yutuqlar borasida ma’lumotlar berildi.