“Rahbar va yoshlar” uchrashuvida keng imkoniyatlar va amaliy tashabbuslar ilgari surildi
2026-04-06 10:15:00 / Yangiliklar
Uchrashuv davomida o‘quvchilar bilan samimiy va ochiq muloqot olib borilib, yoshlar o‘zlarini qiziqtirgan masalalar yuzasidan batafsil javob olish imkoniga ega bo‘lishdi. Shuningdek, tadbir jarayonida ularga harbiy xizmatning mazmun-mohiyati, uning sharafli jihatlari hamda yurtimizda yoshlar uchun yaratilayotgan keng imkoniyatlar haqida atroflicha ma’lumotlar berildi.
Muloqot davomida yoshlarning tashabbuslari qo‘llab-quvvatlanib, ularning kelajakdagi reja va intilishlariga alohida e’tibor qaratildi. Bu esa o‘quvchilarning Vatanga sadoqat, mas’uliyat va fidoyilik kabi muhim fazilatlarini yanada mustahkamlashga xizmat qildi.
Tadbir yakunida o‘quvchilar uchun kitoblar jamlanmasi topshirildi. Mazkur sovg‘a yoshlarning bilim olishga bo‘lgan qiziqishini yanada oshirish hamda ularni intellektual rivojlanishiga turtki berdi.
Toshkent harbiy okrugi matbuot xizmati