“Eng ilgʻor jangchi-2026” musobaqasi gʻoliblari tantanali kutib olindi
2026-03-22 09:45:00 / Yangiliklar
Musobaqa davomida harbiy xizmatchilarimizning yakka va jamoaviy bahslarda ko‘rsatgan natijalari mard va jasur oʻzbek oʻgʻlonlari nimalarga qodir ekanligini amalda koʻrsatgani va davlatimiz, xalqimiz bildirgan yuksak ishonchni aʼlo darajada oqlaganliklari e‘tirof etildi.
Uch kun davomida kunduzgi va tungi sharoitlarda murakkab mashqlarni oʻzida jamlagan mazkur musobaqa yakunida harbiy xizmatchilarimiz musobaqaning maxsus sovriniga loyiq ko‘rilishi, bu albatta mudofaa tizimida amalga oshirilayotgan keng ko‘lamli islohotlarning samarasidir.
Eslatib o‘tamiz, mazkur musobaqada o‘zbekistonlik harbiy xizmatchilar 2019-yildan beri muvaffaqiyatli qatnashib, har birida ishtirokchilar mutlaq ustunlik va yangidan-yangi rekord natijalar bilan g‘oliblikni qo‘lga kiritib kelmoqda.