“Mahalla yettiligi” tajribasi asosida “Harbiy qism yettiligi” tizimi joriy etilmoqda
2026-03-14 15:50:00 / Yangiliklar
Bu borada mamlakatimizda samarali faoliyat yuritib kelayotgan “Mahalla yettiligi” tajribasidan o‘rnak olinib, Mudofaa vazirligi qo‘shinlarida ham “Harbiy qism yettiligi” tizimi amaliyotga joriy etildi. Harbiy xizmatchilar mahallalarda bo‘lib, “Mahalla yettiligi” faoliyati, ularning ish uslubi hamda aholi muammolarini o‘rganish va hal etish bo‘yicha olib borayotgan ishlari bilan yaqindan tanishdi.
Mazkur tizim doirasida “Harbiy qism yettiligi” a’zolari tomonidan harbiy xizmatchilar va ularning oila a’zolari bilan muntazam uchrashuvlar hamda ochiq muloqotlar tashkil etilmoqda. Uchrashuvlarda harbiy xizmatchilarning xizmat faoliyati, yashash sharoitlari, oila a’zolarining ijtimoiy ahvoli va mavjud muammolari o‘rganilmoqda.
Shuningdek, harbiy xizmatchilar istiqomat qilayotgan xonadonlarga tashriflar uyushtirilib, aniqlangan masalalarni hal etish, ijtimoiy himoyaga muhtoj oilalarni qo‘llab-quvvatlash yuzasidan amaliy yordam ko‘rsatilib, zarur tavsiyalar berilmoqda.
Xulosa qilib aytganda mazkur tizim harbiy xizmatchilar va ularning oila a’zolarini qo‘llab-quvvatlash, ularning turmush farovonligini oshirish hamda harbiy jamoada sog‘lom ijtimoiy muhitni mustahkamlashga xizmat qiladi.
III darajali serjant Akbar AXMEDOV,
Termiz garnizoni.