Umumxalq xayriya hashari doirasida obodonlashtirish ishlari keng ko‘lamda davom etmoqda
2026-03-14 14:15:00 / Yangiliklar
Mazkur xayrli tashabbus doirasida harbiy xizmatchilar hamda ularning oila a’zolari bir yoqadan bosh chiqarib, hududlarni obodonlashtirish, atrof-muhitni yanada ozoda va ko‘rkam holga keltirishga qaratilgan keng ko‘lamli ishlarni amalga oshirdi.
Hashar davomida harbiy qism hududlari, xizmat va yashash binolari atrofi, yo‘laklar hamda yashil hududlar tozalanib, tartibga keltirildi. Shuningdek, ekologik muhitni yaxshilash va yashil hududlarni kengaytirish maqsadida ko‘plab manzarali va mevali daraxt ko‘chatlari ekildi.
Harbiy xizmatchilar tomonidan amalga oshirilgan bunyodkorlik ishlari nafaqat hududlarning yanada obod bo‘lishiga xizmat qildi, balki jamoada birdamlik, hamjihatlik va yurtga bo‘lgan mehr tuyg‘ularini yanada mustahkamladi.
Bunday ezgu tadbirlar orqali harbiy jamoalar mamlakatimizda olib borilayotgan keng ko‘lamli obodonlashtirish va ekologik tashabbuslarni qo‘llab-quvvatlab, Vatan ravnaqi hamda yurtimizning yanada go‘zal va fayzli bo‘lishiga munosib hissa qo‘shmoqdalar. Natijada hududlar yanada toza, ozoda va ko‘rkam qiyofa kasb etdi.
Markaziy harbiy okrug matbuot xizmati