Yurt obodligi, avvalo, mahalladan boshlanadi!
2026-03-13 14:40:00 / Yangiliklar
Yurtimizda 13–14 mart kunlari “Yurt obodligi, avvalo, mahalladan boshlanadi!” shiori ostida o‘tkazilayotgan umumxalq xayriya hashari barcha hududlarda ko‘tarinki ruhda davom etmoqda. Mazkur ezgu tashabbus doirasida Sharqiy harbiy okrug tasarrufidagi harbiy qism va muassasalarda ham keng ko‘lamli obodonlashtirish va ko‘kalamzorlashtirish ishlari tashkil etildi.
Hashar jarayonida harbiy xizmatchilar tomonidan harbiy qismlar hududlarini yanada obod va ko‘rkam qilish, sanitariya holatini yaxshilash hamda atrof-muhitni asrashga alohida e’tibor qaratilmoqda. Jumladan, hududlarni tartibga keltirish, mavjud yashil maydonlarni kengaytirish, yo‘lak va maydonlarni tozalash, gulzor va xiyobonlarni parvarishlash ishlari tizimli ravishda olib borilmoqda.
Shuningdek, hashar davomida turli mevali va manzarali daraxtlar, rang-barang gul ko‘chatlari ekilib, ularni parvarishlash va sug‘orish ishlari ham yo‘lga qo‘yildi. Harbiy qism hududidagi xiyobonlar, yo‘laklar hamda dam olish maskanlari obodonlashtirilib, ko‘kalamzorlashtirish tadbirlari yanada kengaytirildi.
Sharqiy harbiy okrug matbuot xizmati