“Og‘ir toifadagi har bir yoshning taqdiri men uchun muhim!” shiori ostida uchrashuv o‘tkazildi
2026-03-05 19:00:00 / Yangiliklar
Mazkur tadbir doirasida Mirzo Ulug‘bek tumanida istiqomat qilayotgan 60 nafar yoshlar universitetda amalga oshirilayotgan islohotlar, kursantlarning ta’lim olish jarayoni hamda ular uchun yaratilgan zamonaviy sharoit va imkoniyatlar bilan yaqindan tanishtirildi.
Yoshlar, ayniqsa og‘ir toifadagi qatlam vakillari bilan manzilli va individual ishlash, ularning muammolarini o‘rganish hamda ijobiy hal etishga ko‘maklashish maqsadida o‘tkazilgan tadbir davomida ular o‘rtasida huquqbuzarlik va jinoyatchilikning oldini olish, ularni jamiyatda munosib o‘rin egallashga yo‘naltirish ko‘zda tutildi.
Tadbir yakunida “Rahbar va yoshlar” uchrashuvi tashkil etilib, yoshlarni qiziqtirgan savollarga javob berildi hamda ularning taklif va murojaatlari tinglandi.
Shuningdek, yoshlarga harbiy ta’lim tizimi, milliy armiyamizda olib borilayotgan keng ko‘lamli islohotlar hamda harbiy xizmatchilar uchun yaratilgan imkoniyatlar haqida batafsil ma’lumotlar berildi. Shuningdek, ular bilan Vatanga sadoqat, milliy armiyamizdan faxrlanish va g‘ururlanish tuyg‘ularini mustahkamlashga qaratilgan yakka tartibdagi suhbatlar tashkil etildi.
O‘zbekiston Respublikasi Harbiy xavfsizlik va mudofaa universiteti axborot xizmati