Surxondaryoda “Yashil makon” loyihasi doirasida keng ko‘lamli ishlar amalga oshirilmoqda
2026-03-03 14:15:00 / Yangiliklar
Mazkur tashabbus asosida harbiy xizmatchilar tomonidan harbiy qism hududi hamda harbiy shaharcha atrofida mevali va manzarali daraxt koʻchatlari ekildi. Tadbirda ofitserlar, serjantlar va muddatli harbiy xizmatchilar faol ishtirok etib, atrof-muhitni muhofaza qilish, ekologik madaniyatni yuksaltirish va hududlarni obodonlashtirishga oʻz hissalarini qoʻshmoqda.
“Yashil hudud” va “yashil bog‘” yaratishni maqsad qilgan harbiylar tomonidan yer maydonlari tayyorlanib, koʻchatlar agrotexnik talablar asosida ekilib, sugʻorish ishlari tashkil etildi. Shuningdek, ekilgan daraxtlarni parvarishlash va doimiy nazoratga olish boʻyicha masʼullar biriktirildi.
“Yashil makon” dasturi nafaqat tabiatni asrash, balki harbiy shaharchalarda sogʻlom ekologik muhit yaratish, xizmatchilar va ularning oila aʼzolari uchun qulay sharoitlar yaratishga xizmat qiladi.