Qoraqolpog‘istonlik yoshlar shaffof tarzda saralanmoqda
2026-02-28 10:55:00 / Yangiliklar
Nukus shahrida joylashgan Qoraqolpog‘iston Respublikasi Mudofaa ishlari boshqarmasida muddatli harbiy xizmatga chaqiriluvchi yoshlarni saralash jarayonlari yuqori saviyada tashkil etilmoqda. Jarayonlarda okrug qo‘mondonligi va mas’ul rahbarlar ishtirok etib, tanlovning ochiqlik va adolat tamoyillari asosida o‘tkazilishini ta’minlamoqda.
Chaqiriluvchilar dastlab chuqurlashtirilgan tibbiy ko‘rikdan o‘tkazilib, ularning sog‘ligi va harbiy xizmatga yaroqlilik darajasi zamonaviy diagnostika vositalari asosida baholanmoqda. Tibbiy bosqichdan muvaffaqiyatli o‘tgan yoshlar bilan chaqiruv komissiyasi a’zolari suhbat o‘tkazib, ularning ma’naviy-ruhiy tayyorgarligi, kasbiy qiziqishlari va salohiyatini o‘rganmoqda.
Saralash jarayonlari har bir yigitning qobiliyati va imkoniyatidan kelib chiqib, ularni munosib qo‘shin turlariga taqsimlashga xizmat qilmoqda. Mazkur tizimli ishlar mamlakat mudofaa salohiyatini mustahkamlash hamda yoshlarni Vatanga sadoqat ruhida tarbiyalashda muhim ahamiyat kasb etadi.
Shimoli-g‘arbiy harbiy okrug matbuot xizmati