Serjantlar tayyorlash oliy maktabi faoliyati tanqidiy-tahliliy ruhda muhokama qilinib, istiqboldagi vazifalar belgilandi
2026-02-27 16:45:00 / Yangiliklar
Dastlab mehmonlar Markaziy harbiy okrug muzeyi bo‘lib, unda okrugning boy tarixi, jangovar yo‘li, erishgan natijalari va harbiy an’analari bilan tanishdi. Shundan so‘ng oliy maktabning zamonaviy, kompyuterlashtirilgan o‘quv xonalari, kursantlar uchun yaratilgan shart-sharoitlar hamda o‘quv jarayonining olib borilishi ko‘zdan kechirildi.
Unda ta’lim sifatini oshirish, amaliy va nazariy mashg‘ulotlar samaradorligini kuchaytirish, zamonaviy pedagogik texnologiyalarni keng joriy etish masalalariga alohida e’tibor qaratildi.
Professor-o‘qituvchilar bilan o‘tkazilgan uchrashuvda muassasaning bugungi faoliyati tanqidiy-tahliliy ruhda sarhisob qilinib, mavjud kamchiliklarni bartaraf etish, ta’lim jarayonini yanada takomillashtirish hamda ustuvor vazifalarni belgilab olish yuzasidan atroflicha fikr almashildi.
Shuningdek, Harbiy xavfsizlik va mudofaa universiteti boshlig‘ining birinchi o‘rinbosari, general-mayor Farhodjon Shermatov ishtirokida “General va serjantlar uchrashuvi” formatida kursantlar bilan ochiq muloqot o‘tkazilib, ularning fikr-mulohaza va takliflari tinglandi, qiziqtirgan savollarga batafsil javoblar berildi.
Uchrashuv doirasida malaka oshirish kursini tamomlayotgan kursantlarning bitiruv marosimida ishtirok etilib, a’lo baholarga bitirgan tinglovchilarga sertifikatlar hamda faxriy yorliqlar tantanali ravishda topshirildi.
Oʻzbekiston Respublikasi Harbiy xavfsizlik va mudofaa universiteti axborot xizmati