Oliy harbiy ta’lim muassasalari o‘rtasida aloqalar mustahkamlanmoqda
2026-02-27 12:00:00 / Yangiliklar
Dastlab tomonlar harbiy taʼlim tizimida oʻzaro hamkorlikni yanada mustahkamlash, ilgʻor tajribalarni almashish hamda zamonaviy yondashuvlarni joriy etish masalalarini muhokama qildi. Uchrashuv davomida taʼlim jarayoniga innovatsion pedagogik texnologiyalarni keng tatbiq etish, oʻquv dasturlarini zamon talablari asosida takomillashtirish, kursantlarning nazariy bilim va amaliy koʻnikmalarini yanada oshirishga qaratilgan takliflar ilgari surildi.
Shuningdek, professor-oʻqituvchilar tarkibi oʻrtasida hamkorlik aloqalarini kengaytirish, qoʻshma oʻquv-amaliy mashgʻulotlar va seminar-treninglar tashkil etish, ilmiy-tadqiqot yoʻnalishida tajriba almashish masalalariga alohida eʼtibor qaratildi.
Mazkur uchrashuv harbiy taʼlim sifatini oshirish, mutaxassis kadrlar tayyorlash jarayonini yanada takomillashtirish hamda oliy harbiy taʼlim muassasalari oʻrtasidagi hamkorlikni yangi bosqichga olib chiqishda muhim ahamiyat kasb etdi.
Uchrashuvdan so‘ng mehmonlar institutda yaratilgan zamonaviy oʻquv-moddiy baza, amaliy mashgʻulotlar jarayoni hamda kursantlar uchun yaratilgan shart-sharoitlar bilan yaqindan tanishdilar.