Gʻalaba bilan qaytgan kapitan Bektemir Meliqoʻziyev tantanali kutib olindi
2026-02-24 09:55:00 / Yangiliklar
O‘n raundga mo‘ljallangan murosasiz jang davomida puxta tayyorgarlik ko‘rgan professional bokschimiz Bektemir Meliqo‘ziev yuqori darajadagi texnik mahorat va haqiqiy jangovar ruhini namoyish etib, jangning yettinchi raundidagi kuchli va aniq zarbalari evaziga muddatidan avval texnik nokaut bilan g‘alaba qozondi.
Bugun yurtimizga tarixiy g‘alaba bilan qaytib kelgan harbiy sportchimizni Islom Karimov nomidagi Toshkent xalqaro aeroportida Mudofaa vazirligi rahbariyati va O‘zbekiston boks federatsiyasi mutasaddilari, ommaviy axborot vositalari vakillari hamda sportchining yaqinlari tantanali ravishda kutib oldi.
Rasmiylar sportchimizni yuqori natijalar bilan tabriklab, ushbu g‘alaba bilan u yana bir bor yurtimizning dovrug‘ini ko‘klarga ko‘targanligini ta’kidlashdi hamda uning keyingi faoliyatlarida ham ulkan zafarlar tilab, samimiy izhorlarini bildirishdi.
Mudofaa vazirligi Axborot va ommaviy kommunikatsiyalar departamenti