“Turon yo‘lbarslari” — kelajak himoyachilarining sinov maydoni
2026-02-11 10:45:00 / Yangiliklar
Unda viloyatdagi Prezident maktablari, ixtisoslashtirilgan ta’lim muassasalari hamda maktab-internatlarida tahsil olayotgan “Vatan tayanchi” harakati otryadlari a’zolaridan iborat jami 18 ta jamoa ishtirok etdi. Musobaqa 9 ta shart asosida tashkil etilib, unda ishtirokchilar harbiy-amaliy mashg‘ulotlar, saf tayyorgarligi, jismoniy sinovlar, tezkorlik va chaqqonlikni talab etuvchi topshiriqlar, shuningdek, mantiqiy va intellektual bellashuvlarda o‘z mahoratlarini namoyon etdi.
Bellashuvlar davomida jamoalar o‘zaro hamjihatlik, intizom va matonat namunasini ko‘rsatib, belgilangan shartlarni puxta tayyorgarlik bilan bajardi. Har bir bosqichda ishtirokchilarning jangovar ruhiyati, tezkor qaror qabul qilish qobiliyati hamda jamoaviy ishlash ko‘nikmalari alohida baholandi.
Musobaqa yakunlariga ko‘ra quyidagi jamoalar sovrinli o‘rinlarni egalladi:
- Termiz shahridagi 1-ixtisoslashtirilgan maktabning “Elparvar” jamoasi — 1-o‘rin;
- Termiz shahridagi Prezident maktabining “Disantchilar” jamoasi — 2-o‘rin;
- Qumqo‘rg‘on tumanidagi ixtisoslashtirilgan maktabning “Alpomish avlodlari” jamoasi — 3-o‘rin.
G‘olib va sovrindor jamoalar tashkilotchilar tomonidan diplom hamda esdalik sovg‘alar bilan taqdirlandi.