“Turon yo‘lbarslari” harbiy-sport musobaqasini Andijon viloyati bosqichi g‘oliblari aniqlandi
2026-02-07 17:30:00 / Yangiliklar
“Turon yo‘lbarslari” harbiy-sport musobaqasi davomida o‘quvchilar “Temur tuzuklari” bilimdoni, kamondan o‘q otish, qurolni to‘liq bo‘lmagan qismlarga ajratish va yig‘ish, sport qurolidan o‘q otish, birinchi tibbiy yordamni ko‘rsatish shartlari bo‘yicha sinovdan o‘tdilar.
Ta’kidlash joizki, musobaqa yoshlar o‘rtasida vatanparvarlik ruhini mustahkamlash, jismoniy tayyorgarlikni oshirish hamda harbiy-amaliy ko‘nikmalarni rivojlantirish maqsadida tashkil etildi. Bellashuvlar davomida ishtirokchilar jamoaviylik, chaqqonlik va intizom borasidagi salohiyatlarini namoyon etdilar.
Yakuniy natijalarga ko‘ra:
Andijon shahar Muhammad Yusuf nomidagi ijod maktabi jamoasi 1-oʻrin;
Andijon shahar Prezident maktabi jamoasi 2-oʻrin;
Andijon shahar 1-sonli maktab jamoasi 3-oʻrinni qo‘lga kiritdi.
Musobaqaning gʻolib va sovrindorlari esdalik sovgʻalari bilan taqdirlandi.
Sharqiy harbiy okrug matbuot xizmati