O‘zbekiston Respublikasi Mudofaa vazirligi

Mazkur vazifalar ijrosini ta’minlash maqsadida Mudofaa vazirligi Toifalangan obyektlarni qo‘riqlash qo‘shinlari qo‘mondonligi boshqaruv apparatida navbatdagi yig‘ilish bo‘lib o‘tdi. Yig‘ilishda ushbu yo‘nalishda amalga oshirilgan ishlar atroflicha muhokama qilinib, erishilgan natijalar sarhisob qilindi hamda kelgusida bajarilishi lozim bo‘lgan ustuvor vazifalar belgilab olindi.

Yig‘ilish davomida O‘zbekiston O‘q otish sporti federatsiyasi faoliyati, uning tashkiliy tuzilmasi, bo‘limlar strukturasi, moliyaviy ta’minoti hamda moddiy-texnik bazasi holatini o‘rganish bo‘yicha ishchi guruh tashkil etildi. Shuningdek, Federatsiyaning Toshkent shahar bo‘limi faoliyati batafsil tahlil qilinib, sportga qiziqqan yoshlarni keng jalb etish, turli musobaqalarni muntazam tashkil qilish hamda sportchilarni moddiy va ma’naviy rag‘batlantirish masalalari yuzasidan muhim taklif va tavsiyalar ilgari surildi.

Yig‘ilish yakunida Toshkent shahrida o‘q otish sportini yanada ommalashtirish, yuqori sport natijalariga erishish hamda mamlakatimizda Olimpiya sport turlarini rivojlantirish istiqboldagi ustuvor vazifalardan biri etib belgilandi. Ushbu yo‘nalishda amalga oshiriladigan tizimli ishlar O‘zbekiston sportining xalqaro maydondagi nufuzini yanada oshirishga xizmat qilishi ta’kidlandi.