Harbiy xizmat va fidoyilik hikoyalari yoshlar qalbida uyg‘onmoqda
2026-01-19 19:20:00 / Yangiliklar
Mazkur uchrashuvda yurtimiz tinchligi va osoyishtaligini ta’minlash yo‘lida uzoq yillar davomida samarali xizmat qilgan Qurolli Kuchlar faxriylari, umumta’lim maktablari o‘quvchilari hamda bugungi kunda xizmat burchini ado etayotgan harbiy xizmatchilar ishtirok etdi.
Uchrashuv davomida faxriylar tomonidan mazmunli ma’ruzalar qilinib, harbiy xizmat yillarida orttirilgan boy hayotiy tajriba, fidoyilik, matonat va sadoqat kabi yuksak fazilatlar xususida so‘z yuritildi. Shuningdek, yoshlar tomonidan berilgan savollarga batafsil va hayotiy misollar asosida javoblar berilib, ularning harbiy sohaga bo‘lgan qiziqishlari qo‘llab-quvvatlandi.
Tadbir doirasida xizmat burchini namunali ado etib kelayotgan bir guruh harbiy xizmatchilar qo‘mondonlik tomonidan munosib rag‘batlantirilib, esdalik sovg‘alar bilan taqdirlandi.
Yakunida san’atkorlar tomonidan milliy kuy-qo‘shiqlar yangrab, bayramona va ko‘tarinki kayfiyat hukm surdi. Musiqiy chiqishlar, samimiy muloqot va iliq muhit ishtirokchilarda unutilmas taassurotlar qoldirdi.
Havo hujumidan mudofaa qo‘shinlari va Harbiy havo kuchlari qo‘mondonligi matbuot xizmati