O‘zbekiston Respublikasi Mudofaa vazirligi

Universitet professor-o‘qituvchilari, talabalar, Qurolli Kuchlar faxriylari, kuch tuzilmalari vakillari ishtirok etgan bayram tadbiri O‘zbekiston Respublikasi davlat madhiyasi ijrosi bilan boshlandi.  

Yangi O‘zbekiston universiteti rahbariyati, shuningdek, Mudofaa vazirligi, Milliy gvardiya va “Vatanparvar” tashkiloti vakillari o‘z nutqida yig‘ilganlarni sana munosabati bilan qutlab, bugungi tinch va osoyishta kunlar qadriga yetish, yurt farovonligini ta’minlashga har bir fuqaro mas’ul ekanini ta’kidladilar.

Tadbir doirasida “Qalqon” jamoatchilik guruhi a’zolarining nufuzli sport musobaqalarida erishgan yutuqlari, faxriy qorovul va qo‘ljangi bo‘yicha ko‘rgazmali chiqishlar, harbiy orkestr va san’atkorlar ishtirokidagi konsert dasturlari, shuningdek, qurol-aslaha va harbiy texnikalar ko‘rgazmasi namoyish etildi.

Festival xalq va armiya yakdilligini yanada mustahkamlash, yosh avlodni vatanparvarlik ruhida tarbiyalash hamda Yangi O‘zbekiston mudofaa salohiyatini yuksaltirishga xizmat qilgani bilan ahamiyatli bo‘ldi.

Mudofaa vazirligi Axborot va ommaviy kommunikatsiyalar departamenti