Toshkent viloyati bo‘ylab vatanparvarlik festivallari o‘tkazildi
2025-12-17 20:25:00 / Yangiliklar
Tadbirlarning rasmiy qismida yoshlarga harbiy xizmatning jamiyatdagi o‘rni, milliy armiyamizning himoya salohiyati hamda vatanparvarlik va mas’uliyat tushunchalari haqida ma’lumotlar berildi.
Badiiy qism harbiy orkestr ijrosidagi vatanparvarlik ruhidagi kuy-qo‘shiqlar bilan boshlandi. Shuningdek, faxriy qorovul va qo‘l jangi jamoasining ko‘rgazmali chiqishlari namoyish etilib, ishtirokchilarda katta qiziqish uyg‘otdi.
Festivallar doirasida yoshlarning milliy armiyaga e’tiborini oshirish, vatan himoyasiga mas’uliyat tuyg‘usini mustahkamlash va vatanparvarlik ruhida tarbiyalashga qaratilgan viktorinalar, interaktiv o‘yinlar va amaliy mashg‘ulotlar o‘tkazildi. Ishtirokchilar barcha faoliyatlarda faol qatnashib, vatanparvarlik va milliy g‘urur tuyg‘usini yanada kuchaytirdi.
Toshkent harbiy okrugi matbuot xizmati