Samarqandda uch avlod vakillari uchrashdi
2025-12-17 19:30:00 / Yangiliklar
Uchrashuv davomida mamlakatimizda olib borilayotgan islohotlar, inson huquqlarini ta’minlash, aholi farovonligi yo‘lida olib borilayotgan xayrli ishlar, yosh avlod kelajagi yo‘lida barpo etilayotgan bunyodkorlik ishlari borasidagi erishilgan ijobiy natijalar, hamda keksa avlod vakillarining boy hayotiy tajribalari o‘rtoqlashildi.
Shuningdek, yoshlar mamlakatimizdagi tinchlik, milliy armiyamizdagi o‘zgarishlar, mudofaa salohiyati, oliy harbiy bilim yurtlari hamda harbiy xizmatchilarimizning qo'lga kiritayotgan ulkan yutuq va marralar haqida batafsil ma'lumot olishdi.
Tadbir doirasida harbiy orkestr chiqishlari, faxriy qorovulning saf chiqishlari, qurol-aslaha ko‘rgazmasi hamda harbiy xizmatchilarning qo‘l jangi sahnasi namoyish etildi. Ushbu tadbirlar yoshlar qalbida Vatanga muhabbat, milliy armiyamizga bo‘lgan hurmat va faxr tuyg‘ularini mustahkamlashga xizmat qildi.
Markaziy harbiy okrug matbuot xizmati