O‘zbekiston Respublikasi Mudofaa vazirligi

Mazkur tadbir Janubi-g‘arbiy maxsus harbiy okrug qo‘mondonligi tashabbusi bilan Qashqadaryo viloyati hokimligi, O‘zbekiston Yoshlar ittifoqi hamda Yoshlar ishlari agentligi hamkorligida o‘tkazildi. Unda okrug harbiy xizmatchilari bilan bir qatorda Davlat xavfsizlik xizmati, Ichki ishlar vazirligi, Milliy gvardiya, O‘zbekiston mudofaasiga ko‘maklashuvchi “Vatanparvar” tashkiloti, shuningdek, bir qator davlat va jamoat tashkilotlari vakillari faol ishtirok etdi.

Tadbir doirasida tashrif buyurgan mehmonlar uchun zamonaviy harbiy texnika, qurol-aslahalar va maxsus anjomlar ko‘rgazmasi tashkil etildi. Harbiy xizmatchilar tomonidan ko‘rgazmali tushuntirishlar berilib, yoshlar va keng jamoatchilikka Qurolli Kuchlarimizning salohiyati va tayyorgarlik darajasi namoyish etildi.

Shu bilan birga, harbiy psixologlar tomonidan tashkil etilgan psixologik treninglar alohida e’tiborga sazovor bo‘ldi. Ushbu mashg‘ulotlar jamoani jipslashtirish, shaxsiy ishonchni mustahkamlash hamda ijtimoiy faollikni oshirishga qaratilgani bilan ishtirokchilarda katta qiziqish uyg‘otdi.

Tadbirning badiiy qismida Qarshi garnizoni harbiy orkestri tomonidan ijro etilgan vatanparvarlik ruhidagi musiqiy asarlar, shuningdek, viloyatning taniqli san’atkorlari tomonidan kuylangan Vatan madhidagi qo‘shiqlar yig‘ilganlarga ko‘tarinki kayfiyat bag‘ishladi.

Janubi-g‘arbiy maxsus harbiy okrug matbuot xizmat