“2026-yil uchun O‘zbekiston Respublikasining Davlat budjeti to‘g‘risida”gi Qonun ko‘rib chiqildi
2025-12-10 19:55:00 / Yangiliklar
Unda senatorlar, mahalliy Kengashlar doimiy komissiyalari raislari, ekspertlar, qonun tashabbuskorlari, manfaatdor vazirlik va idoralar hamda ommaviy axborot vositalari vakillari ishtirok etdi.
Taʼkidlanganidek, kelgusi yilda konsolidatsiyalashgan byudjet daromadlari 515,8 trln so‘m, xarajatlar 567,6 trln so‘m etib belgilanmoqda. Taqchillik esa YAIMga nisbatan 3 foizdan oshmasligi nazarda tutilmoqda.
2026-yilda Davlat budjeti xarajatlari 402,6 trln so‘mni, daromadlari esa 368,9 trln so‘mni tashkil etishi rejalashtirilmoqda. Davlat maqsadli jamg‘armalari daromadlari esa 78,6 trln so‘m, xarajatlari 74,4 trln so‘m (budjetlararo transfertlar hisobga olinmagan holda) miqdorida belgilanmoqda.
2026-yilda Davlat budjetida sud-huquq faoliyati va korrupsiyaning oldini olish uchun 5,7 trln so‘m nazarda tutilmoqda.
Muhokama jarayonida 2026-yilda korrupsiyaning oldini olishga qaratilgan muhim preventiv mexanizmlarning yanada takomillashuvi, davlat boshqaruvida byurokratiyani kamaytirish, ochiqlik va shaffoflikni taʼminlash, davlat xizmatlari ko‘rsatish sifatini yaxshilashga, raqamlashtirish orqali inson omilini kamaytirish borasida ko‘zda tutilgan mablag‘lar va ularning natijadorligiga alohida eʼtibor qaratildi.
O‘z navbatida, 2026-yilda birinchi darajali budjet mablag‘lari taqsimlovchilarga ajratilgan mablag‘larning miqdori, xarajat yo‘nalishlari va budjetdan ajratilgan transfertlar sarflanishining samaradorligi, natijadorligi va maqsadliligiga erishish bo‘yicha taklif va tavsiyalar berildi.
Muhokama yakunida qo‘mitalarning qo‘shma qarori qabul qilindi.