O‘zbekiston Respublikasi Mudofaa vazirligi

Tadbir davomida korrupsiyaga qarshi kurashish bo‘yicha davlat siyosatining asosiy yo‘nalishlari, amaldagi qonunchilik talablari va xalqaro tajribada o‘zini oqlagan samarali yondashuvlar yuzasidan batafsil ma’lumot berildi. Mutaxassislar korrupsiyaning harbiy tizim, jamiyat barqarorligi hamda inson hayotiga ko‘rsatadigan salbiy ta’sirini tahlil qildi hamda uni ildizi bilan bartaraf etish mexanizmlari, halollik va mas’uliyat tamoyillarining dolzarb ahamiyatini alohida ta’kidladi.

Shuningdek, harbiy xizmatchilar o‘rtasida huquqiy savodxonlikni oshirish, xizmat intizomi va halollik standartlariga qat’iy rioya qilish bo‘yicha amaliy tavsiyalar berildi. Tadbir yakunida korrupsiyaga qarshi kurashish nafaqat davlat siyosatining ustuvor yo‘nalishi, balki har bir fuqaroning, xususan yurt mudofaasi mas’uliyatini zimmasiga olgan harbiylarning sharafli burchi ekanligi qayd etildi.

Mutaxassislar ta’kidlaganidek, korrupsiyaga qarshi samarali kurash bugungi kunda jamiyat barqarorligi va fuqarolar farovonligining asosiy omillaridan biridir. Ayniqsa, harbiy tizimda halollik, shaffoflik va mas’uliyat tamoyillarining mustahkam o‘rnatilishi yurt mudofaasi salohiyati, harbiy jamoalarning birligi va xizmat intizomining yuksalishida muhim ahamiyat kasb etadi.

Sharqiy harbiy okrug matbuot xizmati