Harbiy qism tashkil etilgan kun tantanali nishonlandi
2025-12-02 11:05:00 / Yangiliklar
Harbiy qism saf maydonida shaxsiy tarkib sana munosabati bilan tantanali marsh o‘tdi.
Bayramona tadbirda so‘z olganlar harbiy qism shaxsiy tarkibini tabriklab, kelajakda yanada yuqori marralar tilashdi. Harbiy xizmatchi bo‘lishdek sharafli va mas’uliyatli xizmatlari uchun minnatdorlik bildirildi.
Vatanimiz sarhadlarining ishonchli qalqoni, mudofaa tizimining qudratli bo‘g‘ini hisoblangan mazkur harbiy qismda xizmat faoliyatida yuqori marralarni egallab kelayotgan bir guruh harbiy xizmatchilar, Qurolli Kuchlar xizmatchilari navbatdagi harbiy unvonlar, esdalik hamda qimmatbaho sovg‘alar bilan taqdirlandi.
Har kuni jangovar hamda ma’naviy-ma’rifiy tayyorgarlik bilan muntazam shug‘ullanib kelayotgan yurt himoyachilari uchun bu kabi rag‘bat va ruhiy hordiq ularning oldindagi vazifalarida ma’naviy quvvat bo‘lib xizmat qilishi shubhasiz.
Janubi-g‘arbiy maxsus harbiy okrug matbuot xizmati