O‘zbekiston Respublikasi Mudofaa vazirligi

Tadbir avvalida so‘zga chiqqan rasmiylar mamlakatda harbiy sohani modernizatsiya qilish borasida izchil amalga oshirilayotgan islohotlar natijasida kichik komandirlarni tayyorlash tizimi yanada takomillashgani, mazkur ta’lim muassasasida joriy etilgan zamonaviy o‘quv dasturlari serjantlarning kasbiy mahoratini oshirishga xizmat qilayotganini alohida qayd etdi. Ta’kidlanganidek, oliy maktabda egallangan bilim va amaliy ko‘nikmalar bo‘lajak mutaxassislarga qo‘shinlarda qo‘yiladigan zamonaviy talablarni samarali bajarish imkonini bermoqda.

Marosim davomida o‘quvini a’lo natijalar bilan yakunlagan tinglovchilarga sertifikatlar topshirildi. Shuningdek, namunali xulq-atvori, mas’uliyatli yondashuvi va yuqori tayyorgarligi bilan ajralib turgan bir guruh harbiy xizmatchilarga navbatdagi unvonlar berildi. O‘qish jarayonida alohida faollik ko‘rsatgan kursantlar Serjantlar tayyorlash oliy maktabi boshlig‘ining faxriy yorliqlari bilan taqdirlandi.

Tadbir yakunida Samarqand garnizoni harbiy orkestrining jo‘shqin kuy-qo‘shiqlari hamda san’atkorlarning chiqishlari ishtirokchilarga bayramona kayfiyat ulashdi.

Harbiy xavfsizlik va mudofaa universiteti matbuot xizmati