O‘zbekiston Respublikasi Mudofaa vazirligi

Tadbirda O‘zbekiston Respublikasi Prezidenti, Qurolli Kuchlar Oliy Bosh Qo‘mondoni tashabbusi bilan amalga oshirilayotgan “Yashil makon” umummilliy loyihasining ahamiyati, uning mamlakatimizda ekologik barqarorlikni ta’minlash hamda iqlim o‘zgarishlariga milliy miqyosda yechim topishdagi o‘rni haqida batafsil ma’lumotlar berildi.

So‘zga chiqqanlar ta’kidlaganidek, ushbu loyiha nafaqat atrof-muhitni obodonlashtirish, balki aholining ekologik madaniyatini oshirish, yashil hududlarni kengaytirish orqali sog‘lom turmush tarzini qaror toptirishga xizmat qilmoqda. Tadbir davomida harbiy xizmatchilarga “Yashil makon” loyihasining maqsad va vazifalari, ko‘chat ekishning ekologik foydasi hamda tabiatni asrashning dolzarb jihatlari haqida tushunchalar berildi.

Davra suhbati yakunida ekologik xavfsizlikni ta’minlash yo‘lida faol ishtirok etgan harbiy xizmatchilar va tashkilotchilarga esdalik sovg‘alari topshirildi.

Tadbirning amaliy qismida esa harbiy qism hududida mavsumiy manzarali va mevali daraxt ko‘chatlari ekilib, yangi bog‘ barpo etildi. Zero, har bir ekilgan daraxt nafaqat atrofga chiroy bag‘ishlaydi, balki ekologik muhitni sog‘lomlashtirishda, havoni tozalashda, yashil muvozanatni ta’minlashda muhim omil sifatida xizmat qiladi.