Jizzax viloyati Mirzacho‘l tumani hokimligi

Mazkur sport tadbiri “Inson” ijtimoiy xizmatlar markazining tuman bo‘linmasi hamda tuman Sport maktabi hamkorligida tashkil etilib, unda turli yoshdagi ishtirokchilar faol qatnashdilar. Tadbirning asosiy maqsadi jismoniy imkoniyati cheklangan fuqarolarni har tomonlama qo‘llab-quvvatlash, ularning sportga bo‘lgan qiziqishini yanada oshirish, shuningdek, sog‘lom turmush tarzini keng targ‘ib etishdan iboratdir.

Musobaqalar davomida ishtirokchilar bir nechta sport yo‘nalishlari bo‘yicha o‘z mahoratlarini namoyon etib, faollik va qat’iyat ko‘rsatdilar. Har bir ishtirokchining g‘ayrati, sportga bo‘lgan intilishi va kuchli irodasi tadbirning yanada mazmunli o‘tishiga xizmat qildi.

Tadbir davomida nafaqat sport bellashuvlari, balki ishtirokchilar o‘rtasida o‘zaro muloqot va tajriba almashish muhiti ham yaratildi. Bu esa ularning ijtimoiy faolligini oshirish, yangi do‘stlar orttirish hamda o‘z imkoniyatlarini kengroq namoyon etishlariga zamin yaratdi.

“Besh tashabbus paralimpiadasi” samimiy va do‘stona muhitda, yuqori kayfiyat hamda ko‘tarinki ruhda tashkil etildi. Tadbir yakunida faol ishtirokchilar rag‘batlantirilib, ularning kelgusida sport sohasida yanada katta natijalarga erishishlariga tilaklar bildirildi.

Mazkur kabi tadbirlar jamiyatda inklyuziv muhitni mustahkamlash, har bir fuqaroning jamiyat hayotida faol ishtirokini ta’minlash hamda sog‘lom turmush tarzini qaror toptirishda muhim ahamiyat kasb etadi.

Mirzachoʼl tuman hokimligi axborot xizmati