Mirzacho‘l tumani hokimi Botirjon Mirzakulovning 8-mart Xalqaro xotin-qizlar kuni munosabati bilan bayram tabrigi
2026-03-08 10:55:00 / Rahbariyatning bayonotlari va nutqlari
Ayol — mehr-muhabbat, sadoqat va fidoyilik timsolidir. Siz azizlarning jamiyatimizdagi o‘rni beqiyos. Oilada farzandlar tarbiyasida, jamiyat taraqqiyotida, ta’lim, tibbiyot, tadbirkorlik va boshqa ko‘plab sohalarda olib borayotgan samarali mehnatingiz yurtimiz ravnaqiga ulkan hissa qo‘shmoqda.
Bugungi kunda yurtimizda xotin-qizlarning huquq va manfaatlarini ta’minlash, ularning jamiyatdagi faolligini oshirish, ijtimoiy himoyasini mustahkamlash borasida keng ko‘lamli ishlar amalga oshirilmoqda. Sizlarning fidokorona mehnatingiz, sabr-toqatingiz va matonatingiz barchamiz uchun ibratdir.
Fursatdan foydalanib, sizlarga mustahkam sog‘lik, oilaviy baxt-saodat, xonadonlaringizga fayzu baraka tilayman. Doimo el-yurt ardog‘ida bo‘lib, hayotimizni o‘z mehringiz va nurli chehrangiz bilan bezab yuring.
Yana bir bor barchangizni ushbu qutlug‘ bayram bilan tabriklayman!
Hurmat bilan,
B.K.Mirzakulov
Mirzacho‘l tumani hokimi