Tog‘-kon, geologiya va sanoat xavfsizligini nazorat qilish inspeksiyasi tomonidan 2023-yilda amalga oshirilgan ishlar haqida
2024-03-28 12:50:00 / Yangiliklar
Kosmik monitoring natijasida aniqlangan noqonuniy ravishda noruda foydali qazilma qazib olish ehtimoli yuqori boʻlgan hududlar (3 315,7 gektar) toʻgʻrisidagi maʼlumotlar tahlil qilindi.
Berilgan ruxsatnomalar chegarasidan tashqarida qazish holatlari aniqlangan 463 ta obyektlar roʻyxati shakllantirildi hamda Tadbirkorlik subyektlarining huquqlari va qonuniy manfaatlarini himoya qilish boʻyicha vakil devoni bilan xabardor etish tartibida kelishildi. Tekshiruv oʻtkazish yuzasidan xabarnomalar pochta orqali tadbirkorlik subyektlari manzillariga yuborildi.
Bundan tashqari, 96 ta konlardan samarasiz foydalangan tadbirkorlik subyektlariga berilgan ruxsatnomalarni bekor qilish boʻyicha Inspeksiya tomonidan “Yer qaʼridan foydalanish markazi” DMga hujjatlar taqdim qilingan.
2021-2023-yillar davomida jami 3 581 ta davlat nazorati va tekshiruvlari amalga oshirildi. Natijada, inspeksiya tomonidan 589 ta noqonuniy qazish aniqlandi va 280 mlrd soʻm jarima va soliqlar undirildi. 368 ta samarasiz foydalanish holatlari uchun 181 ta litsenziya bekor qilindi. 222 ta yer osti suviga noqonuniy quduq burgʻilash hamda 1 218 ta tadbirkor faoliyatini oʻrganish davomida 36,8 mlrd soʻm soliq tushumlari undirilishi choralari koʻrilgan.
Qimmatbaho metallarni noqonuniy qazib olish bilan shugʻullangan Samarqand, Navoiy, Toshkent, Jizzax va Namangan viloyatlarida jami 1 842 nafar jismoniy shaxslarga nisbatan 11,8 mlrd soʻm maʼmuriy javobgarlik choralari koʻrilgan.
2024-yilda Raqamli texnologiyalar vazirligi bilan birgalikda yer qaʼridan foydalanish boʻyicha masofaviy monitoring va risk-tahlil boʻyicha yagona maʼlumotlar bazasini shakllantirishga moʻljallangan “Geomonitoring” axborot tizimi faoliyati yoʻlga qoʻyiladi.