Probir tahlillarning bajarilishi va sifatini nazorat qilish mavzusida ilmiy-amaliy seminar bo‘lib o‘tdi
2024-05-24 12:25:00 / Yangiliklar
Joriy yilning 23-may kuni “O‘zbek geologiya qidiruv” AJ Samarqand markaziy geologiya qidiruv ekspeditsiyasida “Tog‘-kon sanoati va geologiya vazirligi tizimida probir tahlillarning bajarilishi va sifatini nazorat qilish” mavzusida ilmiy-amaliy seminar bo‘lib o‘tdi.
Anjumanda “O‘zbek geologiya qidiruv”AJ tarkibiy ekspeditsiya va laboratoriyalari, “Regionalgeologiya” DM tarkibidagi laboratoriya hamda NKMK, OKMK tarkibidagi laboratoriyalar rahbarlari va mutaxassislar ishtirok etishdi.
Sohada probir tahlillar o‘tkazishdagi yutuqlar hamda yaqin yillarda qilinishi zarur bo‘lgan ishlar to‘g‘risida ma’ruzalar tinglandi, muammolar va ularning yechimi muhokama qilindi.