Poytaxtdagi teatrlardan birida institut kafedrasining filiali ochildi
2025-03-28 19:30:00 / Yangiliklar
Bugun, 28-mart kuni Muqimiy nomidagi O‘zbekiston davlat akademik musiqali teatrida O‘zbekiston davlat san’at va madaniyat instituti “Musiqali teatr san’ati” kafedrasining O‘zbekiston xalq artisti Lutfixonim Sarimsoqova nomidagi filialining tantanali ochilish marosimi bo‘lib o‘tdi.
Marosim avvalida madaniyat vaziri o‘rinbosari Murodjon Majidov, O‘zbekiston davlat san’at va madaniyat instituti rektori, professor Nodirbek Sayfullayev, Muqimiy nomidagi O‘zbekiston davlat musiqali drama teatri direktori, O‘zbekistonda xizmat ko‘rsatgan artist Azim Mullaxonovlar so‘zga chiqib, ushbu tashabbus talabalarning kelgusida yetuk ijodkorlar bo‘lishida muhim ahamiyat kasb etishini ta’kidladi.