"Xush kayfiyat" ko‘rik-tanlovining respublika bosqichini o‘tkazish masalalariga bag‘ishlangan yig‘ilish bo‘lib o‘tdi
2025-03-17 08:30:00 / Yangiliklar
Madaniyat vazirligi huzuridagi Respublika askiya va qiziqchilik san’ati markazi tomonidan joriy yilda bo‘lib o‘tadigan "Xush kayfiyat" ko‘rik-tanlovining respublika bosqichini yuqori badiiy saviyada va ko‘tarinki ruhda o‘tkazish yuzasidan yig‘ilish o‘tkazildi.
Yig‘ilishda madaniyat vazirining birinchi o‘rinbosari Bahodir Ahmedov hamda taniqli so‘z ustalari ishtirok etib, ko‘rik-tanlovning tashkiliy jarayonlari muhokama qilindi.
Yig‘ilishda joriy yilning may oyida poytaxtda rejalashtirilayotgan tanlovni yuqori saviyada o‘tkazish bo‘yicha reja-grafik ishlab chiqilib, har-bir jarayon uchun belgilangan mas’ullarga tanlovni yuqori badiiy saviyada o‘tkazish bo‘yicha vazifalar belgilab berildi.
Shuningdek, poytaxtda o‘tkaziladigan tanlovdan so‘ng, askiya saylini Farg‘ona viloyatining Shohimardon va So‘g‘d tumanlarida, Andijon viloyatining Bog‘ishamol tumanida, Namangan viloyatining Chust tumanida o‘tkazish rejalashtirilayotganligi hamda ushbu sayllarga puxta tayyorgarlik ko‘rish lozimligi ta’kidlandi.