Ayol borki, olam munavvar!
2025-03-07 12:00:00 / Yangiliklar
Yangilanish faslining nafosat bayrami “8 – mart Xalqaro xotin-qizlar kuni” mamlakatimizda har yili keng nishonlanadi.
Shu munosabat bilan Madaniyat vazirligining erkaklar jamoasi erta tongdan binoga kirish qismini qizil yo‘lakcha va sharlar bilan bayramona bezatishdi. Sovg‘a sifatida olib kelingan atirgullarning ifori, mayin ovozda yangrayotgan kuy bu kunga haqiqiy bayram shukuhini berdi.
Madaniyat vaziri Ozodbek Nazarbekov xotin-qizlarning jamiyatdagi mavqei, soha rivojiga qo‘shayotgan hissasini alohida e’tirof etdi va jamoadagi ayollarni “8 – mart Xalqaro xotin-qizlar kuni” bilan samimiy tabrikladi.
Shuningdek, vazirning birinchi o'rinbosari Avazxon Tadjixanov ham xotin-qizlarning fidokorona mehnati, erishgan ulkan yutuqlari, faolligi, ibratli fazilatlarini yuksak baholab, jamoadagi ayollarni bayram munosabati bilan tabrikladi.
So'ng, vazirlik erkaklar jamoasi tomonidan tayyorlangan sovg‘alar ayollarga tantanali topshirildi.