ICESCO Konsultativ Kengashining 19-yig‘ilishi bo‘lib o‘tdi
2025-02-11 08:30:00 / Yangiliklar
Kuni kecha madaniyat vaziri maslahatchisi Shoxrux Akbarov Islom olamida madaniy rivojlanish bo‘yicha ICESCO Konsultativ Kengashining 19-yig‘ilishida ishtirok etdi.
Yig‘ilish davomida Islom olamida madaniy huquqlar va madaniyatga bo'lgan huquqi bo‘yicha ICESCO tashabbusi keng muhokama qilindi.
Shuningdek, quyidagi muhim hujjatlar ko‘rib chiqildi va tayyorlandi:
• Islom davlatlarida ikki tilli lug‘atlarni raqamlashtirish bo‘yicha hujjat;
• Arab xattotligi tarixining tasviriy lug‘ati bo‘yicha hujjat;
• Sun’iy intellektning madaniyat va ta’limga ta’siri;
• Shuningdek, iqlim o‘zgarishlariga qarshi kurashdagi roli yuzasidan fikr almashildi.
Eslatib o‘tamiz, joriy yilning 12-13-fevral kunlari Jidda shahrida ICESCOga a’zo davlatlarning Madaniyat vazirlari ishtirokidagi 13-yig‘ilishi o‘tkazilishi rejalashtirilgan. Ushbu yig‘ilish madaniy hamkorlikni mustahkamlash va Islom olamida madaniy rivojlanish masalalarini muhokama qilish uchun muhim platforma bo‘lib xizmat qiladi.