Qashqadaryo viloyati Musiqali drama teatrida Ollonazar Olchinbek dostoni asosida sahnalashtirilgan "Baxshining baxti" spektakl premyerasi o‘tkazildi
2025-02-03 13:00:00 / Yangiliklar
Kuni kecha Qashqadaryo viloyati Musiqali drama teatrida Ollonazar Olchinbek dostoni asosida sahnalashtirilgan "Baxshining baxti" nomli spektaklning tantanali premyerasi bo‘lib o‘tdi.
Ushbu spektakl baxshichilik san’atining sahnadagi yorqin ifodasi bo‘lib, xalq og‘zaki ijodi va teatr san’atining uyg‘unlashgan holda namoyon bo‘lishiga xizmat qildi.
Shuningdek, ushbu spektakl baxshilar uchun nafaqat o‘z san’atlarini ommaga keng targ‘ib qilish, balki aktyorlik qobiliyatlarini sinovdan o‘tkazish imkonini ham yaratdi.