Xalqaro tadbirlarni tashkil etish yuzasidan "Artist" kompaniyasining takliflari bilan tanishildi
2025-01-08 10:00:00 / Yangiliklar
#Xalqaro_hamkorlik
Kuni kecha Madaniyat vazirligida vazirning birinchi o‘rinbosari Avazxon Tadjixanov hamda Rossiyaning "Artist" kompaniyasi Bosh direktori Timur Xatsayev o‘rtasida ikki tomonlama hamkorlik uchrashuvi bo‘lib o‘tdi.
Uchrashuvda ikki tomonlama hamkorlikni rivojlantirish, O‘zbekistonda jahon miqyosidagi tadbirlarni tashkil etish tajribasini oshirish, O‘zbekistonda tashkil etiladigan xalqaro darajadagi tadbir va festivallarda dunyo miqyosidagi san’atkorlar ishtirokini ta’minlash, MDH makonida turli katta masshtabdagi festivallarni tashkil etish masalalari muhokama qilindi.
Ma’lumot o‘rnida, "Artist" kompaniyasi tomonidan eng muhim madaniy loyihalar, jumladan, “Slavyan bozori” xalqaro san’at festivali, "Kavkaz Music Fest" xalqaro san’at festivali, "BRICS - yosh shamollar" musiqiy shoularning tashkiliy jarayonlari tashkil etilgan.