Kuni kecha Madaniyat vazirligi huzuridagi Iqtidorli yoshlarni qo‘llab-quvvatlash markazi tomonidan “Yangi O‘zbekiston iste’dodlari” tanlovining respublika saralash bosqichi o‘tkazildi.

 

Tanlovning hududiy bosqichlarida jami 1 500 nafardan ortiq yoshlar ishtirok etib, 200 nafarga yaqin yosh ijodkorlar respublika bosqichiga yo‘llanmani qo‘lga kiritdilar.

 

Tanlovda 18 – 32 yosh oralig‘idagi yakka ijodkorlar va jamoalar ishtirok etib, 10 ta yo‘nalish bo‘yicha o‘zaro bellashdilar.

 

Tanlovning respublika bosqichida g‘olib deb topilgan ijodkor yoshlar 2025-yilning fevral oyida O‘zbekiston milliy teleradiokompaniyasi bilan hamkorlikda o‘tkazilishi rejalashtirilgan taqdirlash marosimida ishtirok etadilar.

 

Ma’lumot uchun, saralangan yoshlar yil davomida “Ustoz shogird” an’anasiga muvofiq ustoz san’atkorlarga biriktirilib, ular bilan hamkorlikda yangi ijod namunalari yaratiladi, shuningdek, har bir yo‘nalish g‘oliblari davlat tadbirlari hamda xorijda bo‘lib o‘tadigan O‘zbekiston madaniyat kunlariga jalb etilib, ularning ijod namunalari O‘zbekiston milliy teleradiokompaniyasining telekanallarida keng yoritiladi.