Kuni kecha Madaniyat vazirligi huzuridagi Iqtidorli yoshlarni qo‘llab-quvvatlash markazi hamda "Zarafshon" MChJ bilan birgalikda Toshkent shahri Zarafshon konsert zalida "Marhabo talantlar" respublika ko‘rik-tanlovi o‘tkazildi.

 

Tanlov uchta yosh toifasida 7 yoshdan 15 yoshgacha, 16 yoshdan 30 yoshgacha va 31 yoshdan yuqori bo‘lgan ishtirokchilar o‘rtasida "Vokal", "Instrumental janr", "Xoreografiya" yo‘nalishlarida bo‘lib o‘tdi.

 

Tanlovda jami 200 nafardan ortiq yoshlar ishtirok etdilar. Ko‘rik-tanlov g‘olib va sovrindorlari diplom va qimmatbaho sovg‘alar bilan taqdirlandilar.

 

Ma'lumot o‘rnida, O‘zbekiston Respublikasi Prezidentining 2023-yil 25-dekabrdagi "Aholiga madaniy xizmat ko‘rsatish darajasini yanada oshirish chora-tadbirlari to‘g‘risida"gi PQ-406-sonli qarorida madaniyat va san’at sohasidagi tanlovlarning keng jamoatchilik ishtirokida va shaffof tarzda o‘tkazilishini ta’minlash maqsadida xususiy sektorlar bilan hamkorlikda o‘tkaziladigan tanlovlar belgilangan.