#Vazirlik_haqida
2024-11-28 17:00:00 / Yangiliklar
Bugungi navbatdagi lavhamiz Madaniyat vazirligi Xo‘jalik ishlari bo‘limining Ruxsatnoma byurosi navbatchisi haqida bo'ladi.
Madaniyat vazirligi binosiga (hududiga) kirish uchun bir martalik ruxsatnomalar Xo‘jalik ishlari bo‘limining Ruxsatnoma byurosi navbatchisi tomonidan rasmiylashtiriladi.
Bir martalik ruxsatnoma fuqaroning shaxsini tasdiqlovchi hujjati asosida Xo‘jalik ishlari bo‘limi (Ruxsatnoma byurosi navbatchisi) xodimi tomonidan bir martalik ruxsatnomalarni berish kitobida qayd qilinib, rasmiylashtiriladi hamda tashrif buyuruvchiga Madaniyat vazirligi binosiga (hududiga) kirish va unda bo‘lish qoidalari tushuntiriladi.
Quyidagi hollarda shaxsga ruxsatnoma berish rad etilishi hamda Madaniyat vazirligi binosiga (hududiga) kiritilmasligi mumkin:
fuqaroning ruxsatnomani rasmiylashtiruvchi xodimga yoki postda xizmat o‘tayotgan Milliy gvardiya xodimiga shaxsini tasdiqlovchi hujjatlarini taqdim etishdan bosh tortishi yoki bunday hujjatlarning mavjud emasligi;
shaxs tomonidan taqdim etuvchiga tegishli bo‘lmagan, muddati o‘tgan, shuningdek, haqiqiyligiga shubha bo‘lgan shaxsni tasdiqlovchi hujjatlarning taqdim etilishi;
shaxsning nazorat ko‘rigidan o‘tishdan bosh tortishi;
madaniyat faoliyati bilan bog‘liq bo‘lmagan masalalar yuzasidan yoki maqsadsiz kelishi;
Madaniyat vazirligi binosiga (hududiga) olib kirish mumkin bo‘lmagan ashyolarni saqlov uchun qoldirishning rad etilishi;
shaxsning mast yoki sanitariya-gigiyena talablarga javob bermaydigan holatda yoxud umum e’tirof etilgan axloq qoidalarini namoyishkorona mensimaslikda ifodalanuvchi libosda kelishida.
Tashrif buyuruvchilar bir marotabalik ruxsatnomalar bilan soat 09:00dan soat 18:00gacha Madaniyat vazirligi binosiga (hududiga) kiritiladi. Dam olish va ishlanmaydigan bayram kunlari, shuningdek, ish kunlarida soat 18.00 dan keyin ruxsatnomalar 2-postda xizmat o‘tayotgan Milliy gvardiya xodimi tomonidan rasmiylashtiriladi.
Muxbir - Dilnavoz Muhammadqulova
Tasvirchi - Jasur Abdujalilov