Konstitutsiya bayramiga bag‘ishlangan konsert dasturlariga puxta tayyorgarlik ko‘rish masalalari muhokama etildi
2024-11-28 16:35:00 / Yangiliklar
O‘zbekiston Respublikasi Konstitutsiyasi kuni bayramiga tayyorgarlik ko‘rish va uni o‘tkazish maqsadida yig‘ilish o‘tkazildi.
Kuni kecha madaniyat vazirining birinchi o‘rinbosari Bahodir Ahmedov O‘zbekiston Respublikasi Konstitutsiyasini o‘ttiz ikki yilligini munosib kutib olish va yuksak saviyada nishonlash maqsadida tashkiliy va ijodiy guruh a’zolari bilan yig‘ilish o‘tkazdi.
“Turkiston” san’at saroyida bo‘lib o‘tgan yig‘ilishda bayramining Qoraqalpog‘iston Respublikasi, viloyatlar markazlari va Toshkent shahrida, shuningdek, barcha shahar va tumanlar, qishloq va ovullarda nishonlanishiga katta e’tibor qaratilishi, shuningdek, respublika hududlarida o‘tkaziladigan bayram tadbirlarini yuqori saviyada tashkil etish maqsadida malakali rejissyorlar, sahna rassomlari va san’atkorlarni jalb etish, Toshkent shahrida o‘tkaziladigan asosiy bayram tadbiri konsert tomoshasini tajribali ssenarist va rejissyorlar, bastakorlar, baletmeysterlar, sahna rassomlari, iste’dodli yosh ijrochilar bilan birgalikda yuqori badiiy saviyada tayyorlash choralarini ko‘rish bo‘yicha tegishli mutasaddilarga topshiriqlar berildi.