Madaniyat vazirligining Ijodkor yoshlar bilan ishlash bo‘limi - Qoraqalpog‘iston Respublikasi Madaniyat vazirligi, viloyatlar va Toshkent shahar madaniyat boshqarmalari tasarrufidagi ijodkor yoshlar bilan ishlash, respublikadagi mavjud ijodiy-badiiy uyushmalar, nodavlat tashkilotlar, jamoalar bilan faoliyat yuritib, ilmiy-amaliy anjumanlar, ko‘rik-tanlovlar, festivallar va boshqa tadbirlarni tashkil etish, respublikamizda faoliyat yuritayotgan ijodkor yoshlar bazasini yaratish, undagi ma’lumotlarni doimiy ravishda yangilab borish, iqtidorli yoshlarni izlab topish va ularni salohiyatini rivojlantirish hamda ommaviy madaniy tadbirlar bo‘yicha yangi loyihalar, seminar-treninglar, aksiyalar, targ‘ibot tadbirlari, konsert dasturlari va anjumanlarni tashkil etish, hududiy bo‘limlar qoshida tashkil etilgan “Yoshlar klubi” faoliyatini vakolat doirasida nazorat qilish va muvofiqlashtirish, ularga doimiy ravishda uslubiy yordam ko‘rsatish kabi vazifalarni amalga oshiradi.

 

Bo‘lim 2024-yilning o‘tgan davri davomida 14 ta tadbir o‘tkazilib, ularga 7 200 nafardan ortiq ijodkor yoshlarning ishtiroki ta’minlandi hamda 163 nafari g‘olib va sovrindor bo‘ldi. Mazkur tanlovlarda ishtirok etgan yoshlar qatoridan madaniyat yo‘nalishi bo‘yicha 1 nafar “Shuhrat” medali sohibi, 3 nafari “Kelajak bunyodkori” medali sohibi, 6 nafari “Zulfiya” mukofoti sovrindorlari, 2 nafari “Mard o‘g‘lon” davlat mukofoti sovrindori bo‘lishiga erishdi.

 

Shuningdek, madaniyat va san’at sohasida faoliyat yuritayotgan yoshlar bilan muntazam “Rahbar va yoshlar” uchrashuvlari tashkil etilib kelinmoqda. Joriy yil yanvar-sentyabr oylari davomida 8 ta uchrashuv o‘tkazilib, ularga 900 nafardan oshiq yoshlar jalb qilindi. Uchrashuvlarda yoshlarning muammo va takliflari tingladi, o‘nlab yoshlarning muammolari hal qilindi.

 

Bo‘lim tomonidan 2024-yilning o‘tgan davri mobaynida “Yangi O‘zbekiston iste’dodlari” respublika tanlovi, “Yoshlik bahori” yosh opera ijrochilari festivali, “Ona zamin ohanglari” teletanlovi, Buxoro shahrida Turkiy tilli davlatlar yosh ijodkorlari anjumani, M.Turg‘unboyeva nomidagi milliy raqs ijrochilari ko‘rik-tanlovi, “Eng yaxshi kitobxon” respublika tanlovi, Botir Zokirov nomidagi zamonaviy estrada qo‘shiqchilar tanlovi, “Lazgi” xalqaro raqs festivali doirasida respublika ko‘rik-tanlovi, Milliy maqom san’ati yo‘nalishida Respublika ko‘rik-tanlovi, “Yoshlar ovozi” tanlovi, “Jo‘raxon Sultonov va Ma’murjon Uzoqov nomidagi yosh ijrochilar respublika tanlovi”, “Xush kayfiyat” respublika ko‘rik-tanlovi, Turg‘un Alimatov nomidagi respublika tanlovi o‘tkazildi.