O‘zbekiston Respublikasi Madaniyat vazirligi

Joriy yilning 1-3-avgust kunlari Qirg‘izistonning Issiqko‘l viloyatida "Turkiy dunyo adabiyoti, tili va tarixini o‘rganishning dolzarb muammolari"  mavzusida xalqaro ilmiy -  amaliy konferensiya bo‘lib o'tgan edi. 

 

Mazkur konferensiyada O‘zbekiston davlat xoreografiya akademiyasi "San’at nazariyasi va tarixi" kafedrasi dotsenti, filologiya fanlari doktori (DSc) Hulkar Hamroyeva ishtirok etib, "Xorazm "Lazgi" raqs turkumining estetik -  etnografik xususiyatlari" mavzusidagi ma’ruzasi bilan ishtirok etdi.

 

Shuningdek, konferensiya doirasida Oʻzbekiston xalq artisti Gavhar Matyoqubova, O`zbekiston davlar xoreografiya akademiyasi rektori Shuhrat Toxtasimov, "San’at nazariyasi va tarixi" kafedrasi dotsenti Hulkar Hamroyeva hammuallifligida yozilgan "Xorazm "Lazgi" raqsi: tarixi va tavsifi" monografiyasining taqdimoti o‘tkazildi.

 

Konferensiyada ishtiroki hamda turkiy tilli xalqlar san’ati va madaniyati taraqqiyotiga qo‘shgan hissasi, milliy raqs sohasidagi ilmiy tadqiqotlari uchun monografiya mualliflari  Qirg‘iziston Fanlar akademiyasi va Qirg‘iziston  Bilim ministrligi tomonidan Xalqaro "Chingiz Aytmatov" medali bilan taqdirlandi.

 

Kuni kecha ushbu medal o'z egalariga topshirildi, uni madaniyat vazirining birinchi o'rinbosari Avazxon Tadjixanov topshirdi.  

Ma'lumot o'rnida, bugungi kunda mazkur monografiya qirg‘iz tiliga tarjima qilinmoqda.

Qirg‘izistonda “Chingiz Aytmatov” medali Qirg‘iziston Respublikasi fuqarolari va xorijliklarni madaniyat, ta’lim, fan, adabiyot va san’at sohasidagi ulkan yutuqlari, millatlar va elatlarning madaniyatini yaqinlashtirish va o‘zaro boyitish, tinchlik-osoyishtalikni mustahkamlashga xizmat qilgani uchun taqdirlash maqsadida ta’sis etilgan.