#Xalqaro_hamkorlik
#Turkiya

 

18-23-oktyabr kunlari Turkiyaning Istanbul shahrida Osiyo va Tinch okeani mintaqasi teleradioeshittiruvchilar uyushmasi(ABU)ning navbatdagi 61-Bosh Assambleyasi hamda Turkiya radio va televideniye korporatsiyasining 60 yilligi nishonlanishi munosabati bilan, 20-oktyabrda bo'lib o'tgan ABU Televizion Song Festivalida O'zbekiston jamoasi muvaffaqiyatli ishtirok etib, sovrindorlar safidan joy oldi.

 

O‘ndan ortiq davlatlar san’atkorlari ishtirok etgan mazkur festivalda mahoratli sozanda Saidakmalxo‘ja Tursunxo‘jayev boshchiligidagi ansambl jamoasi o‘z chiqishlari bilan musiqa muxlislarining gulduros olqishlariga sazovor bo‘lishib, yakunda festival statuetkasi va sertifikatini qo‘lga kiritishdi. 

 

Ma’lumot o‘rnida: ABU TV Song Festivali har yili ABU (Osiyo-Tinch okeani teleradiokompaniyalari uyushmasi) aʼzolari bilan kelishilgan holda tashkil etiladigan xalqaro gala-tadbir sifatida o‘tkaziladi. Bu yil festival Istanbulda Osiyo-Tinch okeani mintaqasining geografik va madaniy kengligini ifodalovchi mashhur musiqachilarning tanlovsiz bayrami sifatida bo‘lib o‘tdi. 

 

Festival doirasida bir yarim soatlik gala-konsert (“Festival konserti”) tashkil etilib, unda ABUga a’zo tashkilotlarning mustahkam hamkorligi sifatida milliy musiqa ustalarining eng yaxshi yakkaxon yoki guruhlari o‘z chiqishlarini namoyish etishdi.